lunes, 26 de marzo de 2012

Bakearen aldeko martxa Arantzazura

Zapatuan egingo dute bakearen aldeko martxa Arantzazura


2012-03-26 16:42:15 Monika Belastegi

Zorionekoak bakegileak lelopean deitu dute. Munilla goitzaina buru dutela, isiluneak gorde, otoitz egin eta abestu ere egingo dute erromesek.



Zapaturako, hilaren 31rako deitu dute bakearen aldeko martxa Arantzazura. Gaur eguerdian Donostian aurkeztu duten martxaren leloa Zorionekoak bakegileak izango da eta Munilla goitzainak aurreratu duenez, "bakea izango da berriz martxaren ardatza, duela 15 urte, lehenengoz egin zenean bezala".



Otoitzaldia basilika barruan



09:30ean abiatuko da Oñatitik –08:30ean itxiko dute bidea ibilgailuendako– eta 11:40 aldera iritsiko da Arantzazura. Iñaki Beristain Arantzazuko frantziskotarrak azaldu duenez, bidean isiluneak gordeko dituzte, otoitz egingo dutea eta abestu ere bai. Gainera, aurten, Jon Enbeitaren bertsoak entzun ahal izango dira.



Otoitzaldia 12:00etan hasiko da Arantzazun, eta berrikuntza gisa, basilika barruan egingo da. Bukatu eta gero, eliztiarrek eskatuta, 20 minutuko atsedenaldia egongo da norberak nahi duenerako. Martxa 12:45ean abiatuko da beherantz.



Gazteak Urbiako kanpan gotzainarekin



Pastoraltza gazteko kideei dagokienez, Urbiako kanpan bazkalduko dute gotzainak egingo duen meza entzun eta gero. Bazkaldu ondoren, eztabaida-saioa egingo dute gotzainarekin.

No hay comentarios:

Publicar un comentario