viernes, 21 de marzo de 2014

Eskolarte mailako txirrindulari proba

 OK MAGAZINEA
Txirrindularitza
2014-03-21 09:16:27
Txirrindulari eskolakoen denboraldiko lehen lasterketa izango da
Eskolarte mailako txirrindulari proba egingo da bihar Oñatin

Aloña Mendi txirrindularitza sailak, urteko lehen hitzordua antolatuko du bihar arratsalderako. Eskolarte mailako txirrindulari proba izango da eta saileko txirrindulari gaztetxoenek, bizikleta gainean duten trebetasuna erakusteko aukera izango dute. Denboraldiko lehen lasterketa izango da klubeko harrobiko txirrindularientzat.

Lasterketak arratsaldeko 16:15 abiatuko dira Enpresagintza fakultate paretik. Alebin eta infantil mailako txirrindularientzako proba izango da eta antolakuntzatik adierazi digutenez, 80 bat partehartzaile espero dira irteera puntuan. Horietatik 20, Lizarralde Aloña Mendi taldekoak izango direlarik. Maila hauetan zirkuitu itxi batean egiten dira lasterketak. Oñatikoa, Enpresagintza eta Cegasa lantegiaren artean dagoen errepidean gauzatuko da.

Herriko gaztetxoei gonbitea

Federakuntza mailako lasterketa bat izanik ere, eskolarte maila dela kontutan hartuta, Aloña Mendiko txirrindularitza saileko arduradunek, 9 eta 10 urte bitarteko herriko gaztetxo guztiak gonbidatu nahi dituzte biharko lasterketan parte hartzera. Ez da baldintza berezirik eskatuko. Kaskoa eta edozein motako bizikleta (errepidekoa, mendikoa...) izatea, besterik ez
.

No hay comentarios:

Publicar un comentario