KIROL ERAKUSTALDIA: desafioa

Arkaitz Lizarraldek eta Alex Azkargortak irabazi dute Asentzion jokatutako desafioa

Amaia Txintxurreta 2014-06-01 11:27   Kirola  Oñati

Arkaitz Lizarralde, segan. |

Oso desafio parekatua jokatu dute Asentzioko jaietan. Trontzan eta segan egin behar izan dute hiru bikotek 45 minutuan, baina proba 43 minutu eta 13 segundoan gelditu dute. Izan ere, Gorka Urrutia eta Andoni Urrutiak osatutako bikoteak euren zelai sail guztia denbora horretan amaitzea bukatu dute. Ander Zugasti eta Valentin Dolatxek ere oso maila ona erakutsi dute baina azkenean Arkaitz Lizarraldek eta Alex Azkargortak irabazi dute desafioa 1981,4 gramo belar moztuta.

Bigarren postuan gelditu dira Gorka Urrutia eta Andoni Urrutia 1855,6 gramo belar moztuta eta Ander Zugastik eta Alex Azkargortak 1848,8 gramo belar moztea lortu dute.
Jende ugari izan da desafioa ikusten eta herritarren arreta piztu duen proba izan da.