HERMANSOLOÑA.

Aurtengoak izango dira Hermansoloñak Argentinara bidaliko dituen azken kontainerrak

Txomin Madina 2015-01-28 20:16  OÑATI BERRIAK

Oñatiko Hermansoloña elkarteak erabaki du ez bidaltzea Argentinara arropa eta bestelako materialez betetako kontainer gehiago. Hala, 2015ean bidaliko dituen biak izango dira azkenak. Arrazoia da administrazioaren aldetik gero eta zailtasun gehiago izaten dituztela. Dena den, Argentinan dituzten bestelako proiektuekin aurrera jarraituko dute.  Mugikor zaharrak batzeko kanpaina bat ere jarri dute martxan herrian.