La Blanca taldea onena, Arabako kros txapelketan

Atletismoa

2015-01-19 11:08:58

Estela Biain Oñatiarrak, lasterketa bikaina egin zuen

La Blanca taldea onena, Arabako kros txapelketan

Nanclares de la Ocako herriak, Arabako kros txapelketa hartu zuen atzo goizean. Gasteizko Zailu atletismo taldeak antolatu zuen aurtengo txapelketa eta urtero bezalaxe, lurraldeko korrikalari onenen arteko lehia ikusteko aukera paregabea izan zen. Senior mailako emakumezkoen taldekako sailkapenean, Gasteizko La Blanca izen zen onena. Esan, taldea osatu zuten hiru korrikalarien artean, Estela Biain oñatiarra zegoela.

Giro hotzarekin esnatu zen atzo eguna Nanclaresen. Hala ere, zirkuitua egoera nahiko onean zegoen eta uste baino lokatz gutxiagorekin topatu zuten zirkuitua korrikalariek. Txapelketan lehiatu ziren korrikalari eta kluben artean, Gasteizko La Blanca taldea izan zen onena. Guztira 12 domina lortu zuelarik. Sei arlo indibidualean eta beste horrenbeste taldekako sailkapenetan.

Estela Biain ederto

Lorturiko emaitza esanguratsuen artean, emakumezko senior mailako taldearen garaipena nabarmendu beharra dago. Puntuaketa lortu zuten hiru taldekideak bikain lehiatu ziren. Ibone Sanchezek lasterketa irabazi zuen eta Estela Biain oñatiarra (7.) eta Eva Calle (8.) zeharkatu zuten helmuga puntua. Emaitza hauei esker, La Blancako emakumeentzat izan zen urrezko domina sailkapen orokorrean.

Estela Biain txantxikuarrak «positiboki» baloratu du atzoko emaitza. Kroseko lasterkari espezifikoa izan gabe ere, «sentsazio onak» izan baitzituen atzoko lasterketan. Orain, bere hurrengo helburua, otsailaren 1ean Azpeitian jokatuko den beterano mailako Euskadiko txapelketa izango da.

Biain (eskuinean), taldekideekin podiumean. Argazkia: La Blanca