Abuztuaren 4tik 7ra Iruñeako Itzulia egingo dute, eta talde indartsua osatu aldera bailarako gazte mailako bi talde batuko dituzte: Ulma (Oñatiko Aloña Mendikoak), eta Bolintxo (Bergarako Lokatzakoak). Xabier Murgiondo, Ekaitz Txintxurreta, Julen Umerez, Aritz Kortabarria eta Mikel Arregi izango dira lehiatuko diren bost ziklistak.
Indarrak batzea, hori erabaki dute Lokatzako eta Ulma taldeetako ordezkariek, eta hala, bailarako ordezkaritza sendoa izango da Iruñeko Itzulian: "Itzuli gogorra izan ohi da, baina azkeneko lasterketetan erakutsi duten emaitzak ikusita, talde oso lehiakorra daramagu. Oroitzapen onak ekartzen dituen Itzulia dela aipa daiteke. 2011 urtean Lokatza taldeko Mikel Aristik sailkapen orokorra eskuratu zuen eta bi urte geroago Julen Irizarrek Itzuliaren lehen etapa irabazi zuen", adierazi dute Lokatzatik.
No hay comentarios:
Publicar un comentario