martes, 30 de junio de 2015

Xabier Gordoa

ok magazinea

Igeriketa
2015-06-30 09:11:43
HIRUGARREN POSTUA LORTU ZUEN IGERILARI OÑATIARRAK
Denboraldiko lehen podiuma Xabier Gordoarentzat, Santurtzi-Bilbo itsas zeharkaldian
Santurtzi eta Bilbo arteko itsas zeharkaldia jokatu zen igandean Bilboko itsasadarrean. Onesportone taldeak antolatutako igeriketa zeharkaldiak, bigarren ekitaldia bete zuen eta erronka luzean (13,2 km) murgildu ziren igerilari guztien artean onena, Ibon Salazar izan zen. Aipatzekoa, Xabier Gordoa oñatiarrak lortutako hirugarren postua.

35 igerilari ausart soilik bildu zituen igande goizean Santurtzi eta Bilbo arteko Riatlon izeneko zeharkaldiak. Santurtziko herrian hasi eta Bilbo hiribururaino joan behar izan zuten igerilariek. Areatza inguruetan izan zuten helmuga eta Xabier Gordoa oñatiarrak, proba oso txukuna burutu zuen. 13 kilometro pasatxoko (13.251 m.) zeharkaldia izanik, erronkak gustoko dituzten kirolarientzat aproposa zen eta horien artean, Xabier Gordoa oñatiarra ikusi genuen.

Azken urteetan oso maila ona ematen ari da Aloña Mendiko igerilaria udako zeharkaldien egutegian eta aurten, hasi da dagoeneko, emaitza positiboak lortzen. Atzokoa denboraldiko lehen podiuma izan zen txantxikuarrarentzat. Ibon Salazar izan zen lehiakide guztien artean onena eta 2:51:43 osatu zituen 13 kilometro paseak. Bigarren postua, Jaime Elizegirentzat izan zen (2:55:26).

Podiumeko hirugarren posturako lehia oso polita izan zen. Xabier Gordoa eta Mikel Mangasek azken metroetan ahalegin ederra egin zuten postu hori lortzeko eta azkenean, oñatiarra izan zen podiumera igotzeko ohorea izan zuen hirugarren igerilaria. Gordoa 3:12:13 kronoan iritsi zen helmugara. Mikel Mangasek azkenean, oñatiarrak baino hamar segundu gehiago behar izan zuen helmuga zeharkatzeko. Asteburuan Debako itsas zeharkaldian parte hartuko du Gordoak.

Sailkapen ofizialak [hemen].

Gordoa podiumean, saria jasotzen. Argazkiak: Festak.co

Hamazazpi eguneko trekking-a egin zuten

Annapurnako trekking-a Nepalen, Asier Olasagasti eta Amaia Bernalen eskutik

Julen Iriondo 2015-06-29 12:54  DEBAGOIENA  OÑATI DEBAGOIENA ZUZENEAN
Hamazazpi eguneko trekking-a egin zuten iazko udazkenean Amaia Bernalek eta Asier Olasagastik, Nepalen. Annapurna zortzimilakoa inguratzen duen ibilbidean askotariko paisaiak ezagutu ahal izan zituzten.

Aloñako igerilariek hiru domina lortu dituzte Euskadiko txapelketan

2015-06-30 20:05:13
GUZTIAK ZILARREZKOAK, BI NEREA DIAZEK ETA BESTE BAT XABIER URBINAK
Aloñako igerilariek hiru domina lortu dituzte Euskadiko txapelketan
Euskal Herriko txapelketak jokatu ziren joan den asteburuan junior eta nagusien mailan. Aloña Mendik ordezkaritza zabala izan zuen bertan eta orokorrean, emaitza nahiko onak lortu zituzten guztiek. Gehien nabarmendu zirenak, Nerea Diaz eta Xabier Urbina izan ziren. Bien artean, zilarrezko hiru domina lortu zituzten.

Aloña Mendiko igerilariek lan oso ona burutu zuten asteburuan Gasteizen jokatu zen Euskadiko Txapelketa nagusian. Ordezkari gehientsuenak beraien marka onenen bueltan ibili ziren eta hori gutxi balitz, zilarrezko hiru domina eta Espainiako txapelketarako bi minima berri ekarri zituzten etxera.

Nerea Diazek bi domina lortu zituen 50 eta 200 Bizkarrean. Lehen proba 32:75 markarekin amaitu zuen eta bigarrenean, 2:34:14 izan zen bere denbora. Xabier Urbinak ere lan bikaina egin zuen 50 bizkarrean. 29:88 denborari esker, azpitxapelduna izan baitzen bere kategorian.

Ugartek Espainiarako minima

Lorturiko hiru dominez gain, Eric Ugartek egindako lana ere txalotzekoa izan zen. Dominetatik kanpo gelditu bazen ere, 50 eta 100 librean Espainiako txapelketarako minimak lortu zituen txantxikuarrak. 25:84 (50 librean) eta 55:95 (100 librean) izan ziren bere bi erresgistro onenak.

Honenbestez, Aloña Mendik bi ordezkari izango ditu maila nagusiko Espainiako Txapelketan. Nerea Diaz 50 libre eta 100-200 bizkarrean ariko da eta Eric Ugartek 50-100 libre probak egingo ditu. Estatuko txapelketa nagusiak, Bartzelonako Picornelleko igerilekuan jokatuko dira Uztailaren 9tik 12ra.

Diaz eta Urbina, Gasteizen irabazi zituzten dominekin.


lunes, 29 de junio de 2015

Parte hartze oso handiaz hasi dira udako aisialdi programa ezberdinak

http://www.xn--oati-gqa.eus/eu/albisteak/parte-hartze-oso-handiaz-hasi-dira-udako-aisialdi-programa-ezberdinak

2015/06/29





  Gaztelekua berriro topagune bihurtuta goizeko 10.00etan hasi dira udaleku irekiak. Haurrak, adinaren arabera, sarrera ate ezberdinak erabiliz eraikineko leku ezberdinetan elkartu dira, sotoa, kuboa eta topalekuan, eta nagusiena, ondoko berdura plazan.
  Aurten, inoizko parte hartzaile kopuru handiena bildu dute Udalak antolatutako udaleku irekiek, 2005-2011 urte bitarteetan jaiotako 377 neska mutikok bat egin baitute. Hauen ardura berriz, 47 begiralek izango dute. Adinaren arabera, bakoitzak kolore bat izango du aurten ere. Begiraleak eta haurrak identifikatzeko, arduradunek, dagokien koloreko kamiseta eramango dute eta haurrei kolore bereko txapel bana banatu zaie. Gaur, guztiek, elkar ezagutzeko jolasak egin dituzte. Bihartik aurrera berriz, zehaztutako programazioa betetzen hasiko dira baina modu ireki eta malguan, haurrek proposatutako ekintzak txertatzen joango baitira.
  Udaleku irekiak, astelehenetik ostiralera, goizeko 10.00etatik 13.00tara egingo dira eta herriko plaza, jolasgune eta txoko ezberdinak erabiliko dira. Uztailaren 8an, ohikoa denez, San Fermin ospatuko dute eta entzierroa korrituko dute plaza eta Kale barrian. Eta uztailaren 24an, udalekuak amaitzeko apar jaia egingo dute. Tartean, nagusienek, gaua pasatzeko irteera egingo dute.
  Udaleku irekietan, 3-4 eta 10 urte arteko neska mutikoek parte hartzen duten bezala, 12-16 urte bitartekoei eskainita, arte udalekuak hasi dira gaur Bidebarrieta kaleko eskulanetarako lokalean. Arte udalekuak ere uztailaren 24ra arte luzatuko dira eta tarte horretan, marrazketa, margoketa, eskultura eta arte plastiko ezberdinak lantzeaz gain, museoetara irteerak egingo dira. 14 gazte hasi dira gaur arte udalekuetan.
  Adin tarte zabalagoa hartzen du uda kanpainaren eskaintzak, helduek ere parte hartzen baitute. Udako kirol kanpaina, txandaka banatzen da eta gaur, lehen txanda ez ezik, txanda bakarreko ekintzak ere hasi dira. Guztira, 790 lagunek parte hartuko dute gaur martxan jarri diren talde ezberdinetan. Kontu egin behar da, askok, ekintza bat baino gehiago aukeratu dutela. Guztira, uztaila eta abuztuko kirol eskaintza berezi honetan, 718 lagun arituko dira, eta beteko diren ekintzak berriz, guztira, 1269 izango dira.
Iturria: Oñati Irratia

SOBRESALIENTE.

El pasado Domingo 28/0/6/2015, la escuela ciclista del Aloña Mendi,dio por finalizada su temporada.

Han aprendido mucho que en el fondo es de lo que se trata y el buen interés  y las ganas de aprender han sido recompensadas con unos magníficos puestos en todas las carreras disputadas.

Siempre han estado entre los cinco primeros, de hecho, de 11 pruebas disputadas han ganado 11 (en Alevines todas)siendo segundos en otras 11 y terceros en  otras 8.

Podium::ALEVINES E INFANTILES.

1º-7 carreras.
2º-10carreras.
3º-8 carreras.

Campeonatos de gipuzkoa:

ALEVINES:
1º Y 3º.

INFANTILES :

La verdad es que nos lo hemos pasado muy bien.Hemos disfrutado mucho y ahora nos toca descansar porque la verdad es que los chavales se lo merecen.

ZORIONAK DANOIRI ETA DATORREN URTE ARTE!!!!!

Podium de la ultima carrera en Ezkio.

domingo, 28 de junio de 2015

JULEN IRIONDO.

Goienako Julen Iriondok irabazi du Rikardo Arregiren Sari Nagusia

Eneko Azkarate 2015-06-27 13:34  DEBAGOIENA  OÑATI
Goienako kazetari Julen Iriondok irabazi du Rikardo Arregi kazetaritzako Sari Nagusia, hiesdunen aldeko ekintzaile Jon Salaberri arrasatearraren gainean, lantaldearekin batera, Goiena telebistarako egindako dokumentalarengatik. 1995ean Hiesak jota hil zen "ekintzaile ahaztuaren" gainean Joxe Arantzabalek egindako ikerketa lana —besteak beste, Puntua aldizkarian argitaratutako artikulua— du oinarri saritu den ikus-entzunezkoak. Gaur, zapatua, banatu dira sariak Andoaingo Bastero kulturgunean.

Saritutako dokumentala


Erreportajea 'Puntua'-n

9.000 euro, agiria eta Xabier Laka eskultoreak egindako kaxa-oroigarria jaso dituzte Julen Iriondok eta Oihane Agirre Goiena telebistako zuzendariak, Ane Carrere Andoaingo alkatearen eta Patxi Baztarrika Hizkuntza Politikarako sailburu ordearen eskutik.
Ekitaldian izan dira Joxe Arantzabal eta dokumentalean, lekukotzen bidez, parte hartu duten beste hainbat lagun: Aitor Iturriaga, Domi Korta...

20 urte hil zela

Aurtengo maiatzaren 10ean bete dira 20 urte Jon Salaberri hil zela. Hori dela-eta Joxe Arantzabalekproiektu oso bat egin du hura ezagutzera emateko. Hala, Goienaren Puntua aldizkarian erreportajea argitaratu zuen Salaberriren bizitzaren berri emateko, martxoaren 27an. Horrekin batera, Wikipediansarrera bat gehitu zuen ekintzaile arrasatearraren gainean; Flickr-en igo zituen hainbat argazki,Sustatu-n eta Faroa blogean ere argitaratu zituen artikuluak...
Goiena telebistak gaiaren gainean egindako dokumentala maiatzaren 5ean emititu zuen. Datorren asteburuan berriro emitituko da.

"Belaunaldi oso baten bizipena"

Hauxe da epaimahaiak baloratu duena Julen Iriondoren ikus-entzunezkoa saritzeko orduan: "Ia ahaztuta genuen egoera, belaunaldi oso baten bizipena izan zena, gogora ekarri digu berriz ere Julen Iriondok bere ikus-entzunezkoaren bidez. Ahanzturatik atera eta balioan jarri du 80ko eta 90eko hamarkadan Hiesa pairatzen zuten gaixoen egoera ezagutarazteko eta hobetzeko Jon Salaberri arrasatearrak egindako lana. Hala, Joxe Arantzabalek argitaratutako artikulua eta ikerketa baliatuz, primeran egokitu du informazio hori guztia ikus-entzunezkoen formatura. Artxiboen erabilpena, elkarrizketak emateko editaia landu eta zaindua".
Julen Iriondok eskerrak eman dizkie bertaratuei, antolatzaileei, epaimahaiari eta gogoan izan du Goienaren Komunitatearen kide den Joxe Arantzabalek egindako ekarpena. Jon Salaberriri buruz, berriz, berbok esan ditu: "Drogazale izandakoa, homosexual eta hiesdun, baina aurpegia eman eta bere bizitza atzera kontaketan sartuta zegoela, lan egin zuen, eta nola, beste batzuen kontaketa, atzera ez baina, aurrerantz izan zedin denbora gehiagoz. Hareazko erloju bat moduan: berea agortuz zihoan heinean, gainerakoek pila handiagoa eduki zezaten borrokan. Horretan eta gizartea hezten. Jon, zuri ere zorionak sari honegatik, eta egin zenuenagatik, noski".
Oihane Agirrek ere ildo beretik. "Goiena komunikabide talde multimedia izanik, telebistan ere lekua egin behar geniola argi izan genuen. Arantzabalekin izandako lehen solasaldia gogoan dut: erreportajea oraindik ez nuen irakurri eta bere lanaren berri eman zidan. Hasieratik erakarri ninduen Jon Salaberriren historiak eta Arantzabalek egindako aurrelana itzela zen".

25 urteko artxiboa

Agirrek balioan jarri du, bestalde, Goienaren azken 25 urteko altxorra, Arrasateko eta Debagoieneko ikus-entzunezko materialari dagokionez. "25 urte dira ATB sortu zela; lehenengo Arrasateko eta ostean Debagoieneko historia jasotzen ari gara, ikus-entzunezko material horren bidez. Benetako altxorra daukagu gure artxiboan. Urte hauetan guztietan herri kazetaritza egin duten guztiena ere bada sari hau".

Beste hiru kazetari saritu

Bestalde, ikusita aurten "aurkeztutako lanen kalitatea", epaimahaiak erabaki du beste bi aipamen berezi egitea. Bata, Kazetari Berria atalean eta bestea Sari Nagusian. Honenbestez, Julen Iriondoz gain, beste hiru kazetari ere izan dira sarituak Rikardo Arregin aurten.
Batetik, Iñigo Astiz, Berria egunkarian argitaratutako kultura erreportaje sortarengatik. Sari Nagusiaren atalean saritu dute. Diploma eta Xabier Lakaren serigrafia jaso ditu.
Bestetik, Kazetari Berria atalean ere bi sari banatu dira aurten. Samara Veltek jaso ditu 3.000 euro eta diploma eta Xabier Laka eskultorearen oroi-ikurra, Berria egunkarian Eskoziako erreferendumari buruz egindako artikulu sortagatik.
Eta, Kazetari Berria atalean bertan, Mikel Ibargoienek, Gara egunkariko Gaur 8 gehigarrian argitaratutako emakume kirolarien inguruko sailarengatik, jaso ditu diploma eta Xabier Lakaren serigrafia.

Kultur kazetaritza eta sormena

Esandako moduan, Sari Nagusiari dagokionez, Iñigo Astizek Berria-n idatzitako Kantuan diren lekuak izeneko erreportajeak jaso du aipamen berezia. "Merezi du, epaimahaiaren ustez, beste sari berezia kultur kazetaritzari sormena eransten baitio bere lanean, eta informazio esparrutik esparru literariora egiten duelako jauzi".
Epaimahaiak zera baloratu du: "Literaturatik gertu dagoen arren, hizkera oso arina da, guztiz bisuala, umore ukituekin askotan. Iñigok lekuan bertan kokatzen gaitu, lekutik hasten da deskribapena eta bidaia musikalean, eta, era berean, pertsonalean murgiltzen gaitu. Hainbat jenderekin egonik kantuei buruzko lekukotasunak bilduz, zenbait abestiren gaurkotasuna adierazten du, zeren eta, oraindik ere, ezagunak eta kantatuak baitira, belaunaldiz belaunaldi egindako transmisioari esker. Horren adierazle, besteak beste, Martin Larralde, Joseba Sarrionaindiak idatzitako hitzak, Ruper Ordorikak musikatuak, Hazparneko herrian XIX. mendean gertatu istorio tragiko bati buruzko bertsoak oinarritzat harturik".

Eskoziaren independentzia

Kazetari Berria atalean, Samara Velte saritzeko arrazoien artean honakoa nabarmendu du epaimahaiak: "Forma aldetik ederki daude idatzita Eskoziaren independentzia erreferendumaren gaiaren monografiko eta artikulu sorta, horretarako, hainbat kazetaritza genero ezin hobeki jorratuta. Testuingurua bikain marraztuta, gaian sakontzea lortu du: ikuspegi historikoa erantsi du, datuen analisi ona egin, hainbat iturritatik edan eta iritzi kritikoak ere jarri ditu begi aurrean, hau da, giltzak ematen ditu irakurleak errealitate hori interpretatzeko gai izan dadin, alde batera edo bestera lerratu barik".

Emakume kirolaria eta genero ikuspegia

Kazetari Berria atalean bertan, Mikel Ibargoienen lana baloratzekoan emakume kirolarien gaineko artikulu sorta, hauxe azpimarratu du epaimahaiak: "Oso lan interesgarria, ikuspuntu desberdinetik jorratua, hau da, generoaren ikuspegitik, mahai gainean jartzen du gaiaren konplexutasun osoa. Kirol kazetariei hitz eman die, hedabideetan kirolari emakumeen presentzia eskasari buruzko eztabaida piztuz. Topikoetatik ihes egiten du Mikelek, eta kirol adituak ez diren irakurleak edo kirola gehiegi gustatzen ez zaienak ere arazoaren muinean kokatzen ditu. Bestalde, neska kirolariek bidea egiten dutela adierazten du, etorkizuna daukatela azpimarratu. Bere artikulu sortak publiko posible bat sortzen laguntzen du, finean".

Rikardo Arregi 2015 sariak

Sari Bereziak
  • Julen Iriondo. Goiena. Jon Salaberriren gaineko ikus-entzunezkoa.
  • Iñigo Astiz. Berria egunkarian argitaratutako Kantuan diren lekuak izeneko erreportajeak.
Kazetaritza Berria
  • Samara Velte. Berria egunkarian Eskoziako erreferendumari buruzko artikulu sorta
  • Mikel Ibargoien. Gara-ren Gaur 8 gehigarrian argitaratutako Emakume kirolarien inguruko saila.

sábado, 27 de junio de 2015

Día Internacional por la Liberación Sexual

Ekainak 28an mundu osoko kaleak, Euskal Herrikoak ere bai, kolorez eta aldarrikapenez jantziko dira LGBT kolektiboaren hamarkadatako borroka nabarmentzeko. Aurten 45 urte beteko dira Greenwich (New York) auzoko matxinadatik, askatasun sexualaren mugimenduaren baitan eta erakunde politiko, polizial eta erlijiosoek lesbianen, gayen, bisexualen eta transexualen aurka ezarritako errepresioaren kontra mugarri izan zena.
  Baina tamalez, Euskal Herrian ere ematen dira oraindik erasoak eta inposizioak matxismoa, transfobia, lesbofobia eta homofobia darabilten jarreretatik.
  Horrexegatik, elkartasuna ardatz izango duen kontzientzia aldarrikatzen dugu, jarrerak aldarazi eta LGBT kolektiboarekiko aurreiritziak eta fobiak desagerraraziko dituenak, alor guztietan ezinbestekoak diren lege eta gizarte aldaketak eginda: hezkuntzan, osasungintzan, komunikabideetan edota herritar askatasunetan.
  • Deialdi ezberdinak mobilizazioetarako:
Larunbata ekainak 27
Donostia 18:00etan Bulebarrean
Igandea ekainak 28:
Bilbo, Moyua Plazan 12:30etan
Gasteizen 13:00etan Andre Mari Zuriaren Plazan
Iruñea 12:30etan Gasteizko geltoki zaharrean

† Maria Angeles Albizu

(Jose Luis Maiztegi Orueta-ren alarguna.)

Mostrando 20150626_170245.jpg





26/06/2015.

MARIA ANGELES ALBIZU IGARTUA.

72 URTE.


viernes, 26 de junio de 2015

ZUBILLAGAKO JAIXAK 2015.

Euskal Herriko Txapelketak

ok magazinea
Igeriketa
2015-06-26 14:33:08
MENDIZORROTZAKO IGERILEKUAN (GASTEIZ) JOKATU DA TXAPELKETA
Bederatzi oñatiar izango dira asteburuan Euskal Herriko Txapelketan
Aloña Mendiko igerilariak, denboraldiko azken txanpan murgilduta daude. Azken asteetan, txapelketa garrantzitsuetan lehiatzen ari dira eta asteburu honetan esaterako, nagusienek Euskal Herriko Txapelketak izango dituzte. Horren harira, Xabier Infante taldeko entrenatzaileak, azken ordua eman zuen atzo Oñati Irratian.

Aloña Mendiko igerilari nagusiek Euskal Herriko Txapelketak izango dituzte asteburuan. Larunbat eta igandean zehar, Gasteizeko Mendizorrotzako instalazioetan jokatuko da lehiaketa eta oñatiarrek bederatzi ordezkari eramango dituzte bertara. Gehienen kasuan, marka pertsonalak hobetzeko asmotan joango dira Gasteizera baina beste batzuen kasuan, Espainiako txapelketa begiz jota izango dute. Nerea Diaz esaterako, dagoeneko sailkatuta dago eta asteburukoa prestakuntza garrantzitsu bezala erabiliko du estatuko proba garrantzitsu horiei begira.

Atzoko elkarrizketan, mezu positiboa helarazi zuen Artzak: «Igerilariak oso kontzentratuta eta ondo ikusten ditut». Hala ere, proba egunean faktore guztiak kontrolpean izatea oso zaila dela ere onartu zuen. «Igeriketa oso kirol zorrotza da eta egun txar batek edo biraje txar batek urteko lan guztia pikutara bota dezake». Ildo horretan, 50 metroko igerilekuan aritzeak abantaila izan dezakeela ere gogorarazi nahi izan zuen: «Azkenaldian akats ugari egiten ari gara birajeetan eta asteburuan behintzat, igerileku luzea izanik, horrelako gutxiago egin beharko ditugu».

20 kilometro astean

Aloña Mendiko igerilariek 20 kilometro egin dituzte batez beste asteko azken 10 hilabeteotan. Asko dirudien arren, Infantek kontrakoa adierazi nahi izan zuen. «Txapelketan izango garen taldeen artean, agian, gutxien entrenatzen dugunak izango gara. Beste talde batzuk astean 60 kilometro egiten dituzte bataz beste».

Artzak zortzi igerilari izango ditu asteburuan bere esanetara. Josune Odriozola izango da bederatzigarren ordezkaria baina kasu honetan, Konporta taldeaz lehiatuko da txantxikuarra. Hauetxek izango dira Aloña Mendiko espedizioa osatuko duten igerilariak: Xabier Urbina, Eric Ugarte, Iñaki Guridi, Josu Arenaza, Aitor Diaz, Nerea Diaz, Nagore Redin, eta Nerea Elorza.

Atzoko elkarrizketa entzun nahi izatera, sakatu beheko podcastean:


Torreauzoko San Pedro jaixak 2015.

miércoles, 24 de junio de 2015

KANTONOSTE

Ricardo Eraña

Udia be aiau da

Oñatiko Gaztetxia

Udia be aiau da ta urtero lez egitarau oparua daku gaztetxian! Animau ekintzetara!!



UDAL LIBURUTEGIA - UDAKO ORDUTEGIA

Ekainak 29 - Uztailak 30: 10:00-13:00 / 16:30-20:00
Abuztua: 9:30 -13:30 / arratsaldez: itxita
Larunbatak: itxita

Uda heldu zaigu


Uda heldu zaigula ospatzeko, suaren inguruan bildu ginen atzo Oñatiarrok. Gau zoragarria eskaini ziguten Oñatz dantza taldeko kideek.
--
Ayer, para dar la bienvenida al verano, nos reunimos alrededor del fuego en Oñati. Disfrutamos de una velada formidable gracias a Oñatz dantza taldea

Ver video

UDA-VERANO

TXINTXU

† María Ayastuy.

Mostrando 20150623_165809.jpg




23/06/2015.

MARIA AYASTUY GALDÓS.

92 URTE.

lunes, 22 de junio de 2015

domingo, 21 de junio de 2015

Bisita jaso genuen

21/06/2015.
oñati turismoa

Minnesota estatuko hezkuntza ministroa, Central Collegeko lehendakari eta lehendakari ordea, Eusko Jarlaritzako Lanbide Heziketako sailburu ordea, Lanbide Heziketako zuzendaria eta TKNIKAko zuzendaria eta nazioarteko zuzendaria-ren bisita jaso genuen atzokoan



XTERRA Basque Country



Rubén Ruzafa y Merce Tusell dominan en el XTERRA Basque Country

/en  /por 
Clasificaciones:
Santuario de Arantzazu (Debagoiena, Guipúzcoa), 21 de junio. Rubén Ruzafa lo ha vuelto a hacer, y ya van tres de tres en esta temporada. Tras La Viñuela (Málaga) y el Campeonato de España disputado en Plasencia, el campeón del mundo se ha llevado la victoria en la primera edición del XTERRA Basque Country, tercera cita puntuable dentro del XTERRA Spain Tour Extremadura 2015. Lo propio ha hecho la actual campeona del circuito, Merce Tusell, quien ha solventado con nota su primera actuación de esta temporada en el tour nacional.
Ruzafa ha dominado de principio a fin en la categoría PRO. Ha salido el primero de la natación, desarrollada en el Embalse de Landa. A pesar de ser su disciplina más débil, el del Rincón de la Victoria se ha mostrado como el nadador más fuerte ante la ausencia de otros nadadores más fuertes. Desde Landa, como un cohete se ha plantado en la T2 con 13 minutos de ventaja sobre el gaditano Gonzalo Orozco y con 19 minutos sobre el cordobés Juan Carlos Nieto.
A las 3 horas y 41 minutos de carrera, Ruzafa aparecía de nuevo, esta vez en la espectacular meta del Monasterio de Arantzazu, donde ha sido ovacionado por el público de la que es su segunda casa. Orozco ha mantenido la segunda posición, algo que no ha podido hacer Nieto, quien se vio relegado a la quinta plaza, tras Jon Ergüin y Anibal Fidalgo. “Tras salir primero de la natación he cogido buen ritmo y me he puesto a tirar, aunque he regulado bastante bien. Ya en la carrera a pie, que era muy dura, he apretado intentando hacer frente a la montaña. He disfrutado mucho las vistas y el paisaje”, ha explicado el campeón del mundo tras cruzar la meta.
Merce Tusell ha regresado a lo grande al XTERRA Spain Tour. La catalana se ha impuesto tras ganar la partida en el sector de bicicleta a Natividad Gómez, colíder del circuito nacional. “He salido bastante bien del agua. La verdad es que se ha salido muy rápido, de repente me he agobiado un poco ya que estaba en el centro. Me han pasado varios triatletas de la categoría PRO durante la BTT, así que he pensado que he nadado rápido. La bicicleta ha sido muy dura, tanto al principio como al final. En la carrera a pie tenía que ir andando. Al final han sido más de cuatro horas, una prueba muy dura”, ha comentado Tusell.
Open
La mañana se ha abierto con la disputa de la prueba XTERRA Open en un exigente circuito que bien podría haber servido para la prueba Campeonato. Aquí, Ángel Martínez se ha llevado la victoria en un intenso último kilómetro ante Iban Urdangarin. Apenas les han separado 8 segundos al cruzar la meta. Ha completado el cajón Álvaro Gómez. En la prueba femenina, Mónica Batlle se ha mostrado dominadora en todo momento y se ha alzado con la victoria. Los equipos de relevos también han demostrado un gran potencial, tanto en la prueba larga como en la corta.
El XTERRA Basque Country ha sido posible gracias a la organización del Club Deportivo Fortuna y a la colaboración de la Federación Vasca de Triatlón, la Mancomunidad de Debagoiena, el Departamento de Turismo del Gobierno Vasco a través de la marca BTT Euskadi Basque Country así como otras entidades y asociaciones locales.

Por los montes de la Sierra de Aloña

sábado, 20 de junio de 2015

EGITARAUAREN AZALA AUKERATZEKO LEHIAKETA

Jai egitaruaren azala lehiaketarako lanak 

aurkezteko epea.



EGITARAUAREN AZALA AUKERATZEKO LEHIAKETA

    Oñatiko Udalak 2015eko jaietako egitarauaren azala aukeratzeko deialdia egiten du, ondorengo oinarrien arabera.
OINARRIAK
LEHENA.- Lehiaketa honetan 18 urtetik gorako edozeinek har dezake parte. 
BIGARRENA.- Teknika librea izango da (argazkia, pintura, marrazkia, collagea, e.a.). Lanak euskarri gogorrean aurkeztu beharko dira. Obra originalak izango dira.
HIRUGARRENA.- Lanaren neurria honako hau izango da: 50x70 zentimetro. Formatu bertikalean.
LAUGARRENA.- Ezinbestekoa izango da ondorengo testua agertzea:  Oñatiko Jaixak 2015
BOSGARRENA.- Lehenengo  Saria HIRUREUN EURO  (300 € ) eta  200 TXANTXI   izango da. Bigarren saria 200 TXANTXI izango da. 
SEIGARRENA.- Lanak Oñatiko Kultur Etxean aurkeztu beharko dira 2015eko  EKAINAREN 15etik UZTAILAREN  17ra, 13:00ak baino lehen. 
ZAZPIGARRENA.- Lanak egilearen sinadurarik gabe aurkeztuko dira eta atzeko aldean leloa eraman beharko dute. Honekin batera, kartazal itxi batean parte-hartzailearen datu pertsonalak eta NANaren fotokopia bidaliko dira, eta kartazalaren gainean lanaren leloa jarriko da.
ZORTZIGARRENA.- Lehenengo saria Epaimahai  aditu talde batek aukeratuko du. Erabakia alda ezina izango da.
BEDERATZIGARRENA.- Bigarren saria herritarrek bozketaren bidez aukeratuko dute.  Herritarrek uztailaren 22tik 29ra bitartean, kultur Etxean egingo den erakusketan bozkatu ahal izango dute. 
HAMARGARRENA.- Antolatzaileek ez dituzte beren gain hartuko lehiaketan parte hartzen duten lanek jasan ditzaketen galera edo kalteak. 
HAMAIKAGARRENA.- Saritu gabeko lanak epaimahaiaren erabakia jakinarazi ondoren jaso ahal izango dira. Horretarako, HOGEITA HAMAR (30) EGUNEKO epea izango da. Aipatutako epean lanak jaso ezean, egileak galdutzat eman dituela pentsatuko du Oñatiko Udalak; eta ondorioz, egileari inolako eskubiderik aitortu eta ordainik eman gabe, egoki irizten dion moduan erabiliko ditu. 
HAMABIGARRENA.- Sarituko den lana Oñatiko Udalaren esku geldituko da. Halaber, inprimatzeko, argitaratzeko, ezagutarazteko eta gainontzeko eskubide guztiak Oñatiko Udalak berak izango ditu. 
HAMAHIRUGARRENA.- Edozein erreklamazio, zalantza edo apelazio Oñatiko Udaleko Kultura Batzordera bideratu beharko dira. 
HAMALAUGARRENA.- Lehiaketara aurkezteko, goitik behera onartu beharko dira oinarriak.
HAMABOSTGARRENA.- Epaimahaiak honako kasu hauetan  utzi ditzake lanak lehiaketatik kanpo:
-    Autorea nor den zalantzan dagoenean.
-    Aurkezturiko lanak pertsonen duintasunaren aurka doazenean.
-    Beste obra batzuen plagiotzat har daitezkeenean. 
Aurkezturiko lanetan  mailarik ez balego, saririk ez emateko aukera izango du. 


OÑATIKO JAIETAKO AZALA LEHIAKETA
HAUR eta GAZTETXOEN SAILA

    Oñatiko Udalak jaietako azal lehiaketan haur eta gaztetxoei zuzendutako atala irekitzen du, ondorengo oinarrien arabera.
OINARRIAK
LEHENA.- 18 urte bitarteko Oñatiko edozein hau edo gaztek har dezake parte.
BIGARRENA.- Teknika librea (argazkia, pintura, marrazkia, collagea, e.a.). Bakoitzak nahi duen materiala erabili dezake. 
HIRUGARRENA.- Lanaren neurria gutxienez A4koa izan behar da.
LAUGARRENA.- Ezinbestekoa izango da ondorengo testua agertzea: Oñatiko Jaixak 2015
BOSGARRENA.- Saria: oparia.
SEIGARRENA.- Lanak Oñatiko Kultur Etxean aurkeztu beharko dira 2015eko uztailaren 17an, 13:00ak baino lehen.     
ZAZPIGARRENA.- Lanak egilearen sinadurarik gabe aurkeztuko dira eta atzeko aldean “leloa” eraman beharko dute. Honekin batera, kartazal itxi batean parte-hartzailearen datu pertsonalak (izen abizenak, adina, helbidea eta telefonoa), eta kartazalaren gainean lanaren “leloa” jarriko da.
ZORTZIGARRENA.- Lan guztiak Udalaren esku geratuko dira. Udalak, halaber, inprimatzeko, argitaratzeko, ezagutarazteko eta gainontzeko eskubide guztiak izango ditu. 

Ruper Ordorika


Ruper Ordorikak Adarra Saria jasoko du domekan Victoria Eugenia antzokian

2015/06/16
Kontzertu berezia eskainiko du
  Ruper Ordorikak kontzertu berezi bezain ahaztezina eskainiko omen du domeka arratsaldean Donostiako Victoria Eugenian. Donostiako Udalak Adarra Saria emango dio oñatiarrari osatutako ibilbidearen eta euskal kulturari eta musikari egindako ekarpenaren errekonozimendu gisa. Kontzertua, sari emate ekitaldiaren baitan kokatzen da.
  Domekan, arratsaldeko 19.00etan hasiko den kontzertua benetan berezia izango dela jakinarzi du Elkar argitaletxeak, Ordorikak, lehen diskotik 2014an ateratako Lurrean etzanda diskora iritsi arte, osatu duen ibilbide luzean zehar plazaratu dituen abestien aukeraketa zaindua egingo baitu.
  Ruper Ordorikari laguntzen beste lau musikari garrantzitsu arituko dira Victoria Eugeniako emanaldian: Leo Abrahams , Arkaitz Miner, Hasier Oleaga eta Fernando Lutxo Neira, hain zuzen ere. Elkar disketxeko arduradunen hitzetan emanaldi paregabea eta errepikaezina izango ei da.
  Ruper Ordorika orain lau hilabete izan zen Victoria Eugenia antzokian. Otsailaren 6an bere azken lana aurkeztu zuen Donostian, guztiz beteta zegoen antzokian. Publikoaren beroa eta bere musika maite dutenen afektua da edozein artistak jaso dezakeen saririk onena baina erakundeen errekonozimendua ere garrantzitsua da, eta hori, domekan gauzatuko da Donostiako Udalak emango dion Adarra Sariaren bitartez.
  Donostiako udalak, iaz eman zuen lehen aldiz Adarra Sari hau. Orduan Mikel Laboari eman zion. Aurten, Ruper Ordorika oñatiarrak jasoko du. Sari honekin, 1980an argitaratutako Hautsi da Anphora disko historiko hartatik, gaur egun Ordorikaren ibilbidearen seriotasuna, jarrera artistikoaren modernotasuna eta konpositore gisa egin duen lanaren sakontasuna saritzen da, besteak beste.
Iturria: Oñati Irratia

JUBILATUEN EGUNA

  • Ekainak 21 Igandea
Goizeko 12:00etan: San Miguel Parrokian meza.
Ondoren Zubikoa Polikiroldegian BI NAGUSIRI Omenaldia. Udal banda eta “ Oñatz” taldeko dantzariekin.
Bazkal ondoren opari zozketa, bertso ekitaldia eta dantzaldia.

Mostrando

San Martingo baratza parkea

San Martingo baratza parkean libre dauden 21 aisialdi ortuak esleitzeko prozedura abian jarri da


Eskaerak egiteko epea, ekainaren 29an amaituko da

  Abenduan egin zen zozketan, 53 baratze esleitu ziren eta 21 hutsik geratu ziren. Orain, Alkate Dekretuz, libre dauden aisialdi ortu horiek adjudikatzeko prozedura berria abian jarri da. Aurrekoan bezala, oinarrizko baldintza batzuk bete behar dira ortuen zozketa eta esleipenean parte hartu ahal izateko: udalarekiko zergak edota beste motako betebeharrak egunean izan behar dira, familia unitatearen kideak ezin dute beste baratza ekologiko baten erabiltzaile izan eta esleipen baimenak irauten duen bitartean Oñatin erroldatuta egon beharko da, errolda aldaketak, ortua lantzeko baimena galtzea ekarriko duelarik. Eskaera adin txikiko batek egiten badu, aitak, amak edo tutoreak abalatu beharko du eta heldua izango da arduraduna
  Lursailen erabilera urtebeterako lagako du udalak eta urtez urte luzatu ahal izango da lagapena, gehienez, bost urteko mugarekin.
  San Martingo baratze parkean libre dauden 21 ortuek 30 metro karratu dituzte bataz beste. Ortuak zozketaz esleituko dira.
  Ortuen onuradunek , 70 euroko kuota ordaindu beharko dute urteko errenta kontzeptuan eta horri, beste 70 euroko fidantza batu behar zaio, udal jabaria egoki erabiliko denaren berme gisa. Izan ere, baratze parkean hainbat gune eta azpiegitura komun baitaude, aldagelak, komunak eta tresneria gordetzeko biltegi etxolak, besteak beste. Era berean, dagoeneko ortuen erabiltzaile direnek osatu duten taldean parte hartuko da.
  Abian jarri berri den ortuen esleipen prozedura, iazko azaroaren 10ean Gipuzkoako Aldizkari Ofizialean argitaratu zen Oñatiko baratza parkea  adjudikatzeko eta kudeatzeko udal araudi erregulatzaileak arautuko du. Dokumentua udaleko web atarian ikusgai dago.
  San Martingo baratza parkean libre diren aisialdi ortuen esleipenean parte hartu nahi duten herritarrek, eskaera, udal bulegoetan aurkeztu beharko dute. Eskaera orriekin batera, nortasun agiriaren fotokopia eraman behar da. Eskaerak egiteko epea, ekainaren 29an amaitzen da.
  Epe barruan jasotzen diren eskaera guztiak errebisatu egingo dira eskatzaileek baldintzak betetzen dituztela egiaztatzeko eta ondoren, zozketarako onartuen behin behineko zerrenda argitaratuko da. Erreklamazioetarako epea emango da eta eskatzaileen behin betiko zerrenda osatu ostean ortuen zozketarako eguna finkatuko da.
Iturria: Oñati Irratia